6th New Tamil Book Unit - 3 & 4 நூல்வெளி & தெரிந்து தெளிவோம்

Unit -3

நூல்வெளி

இயல் 3.1 அறிவியல் ஆத்திசூடி • "தம்மை ஒத்த அலைநீளத்தில் சிந்திப்பவர்" என்று மேதகு அப்துல் கலாம் அவர்களால் பாராட்டப் பெற்றவர் நெல்லை சு.முத்து. • இவர் அறிவியல் அறிஞர் மற்றும் கவிஞர். • விக்ரம் சாராபாய் விண்வெளி மையம், சதீஷ்தவான் விண்வெளி மையம், இந்திய விண்வெளி மையம் ஆகிய நிறுவனங்களில் பணியாற்றியவர். • அறிவியல் கவிதைகள், கட்டுரைகள் பலவற்றைப் படைத்துள்ளார். • எண்பதுக்கும் மேற்பட்ட நூல்களை எழுதி வெளியீட்டுள்ளார். • அறிவியல் ஆத்திசூடி என்னும் நூலின் ஒரு பகுதி இங்கத் தரப்பட்டுள்ளது.

---

தெரிந்து தெளிவோம்.

இயல் 3.3 கணியனின் நண்பன் • தெரிந்து தெளிவோம். • சோபியா • "உலகிலேயே முதன்முதலாக சவுதி அரேபியா ஒரு ரோபோவுக்குக் குடியுரிமை வழங்கியுள்ளது. • அந்த ரோபோவின் பெயர் 'சோபியா', மேலும் ஐக்கிய நாடுகள் சபை 'புதுமைகளின் வெற்றியாளர்' என்னும் பட்டத்தைச் சோபியாவுக்கு வழங்கியுள்ளது. • உயிரில்லாத ஒரு பொருளுக்கு ஐ.நா.சபை பட்டம் வழங்குவதும் இதுதான் முதல் முறை. • என்னைப் போன்ற எந்திரமனிதருக்கு இப்பட்டம் வழங்கப்பட்டதில் எனக்கு மட்டற்ற மகிழ்ச்சி" • மனித முயற்சிகளுக்கு மாற்றாகத் தானே இயங்கும் எந்திரம் தானியங்கி ஆகும். • இவை தோற்றத்தில் மனிதர் போல இல்லாமலும் இருக்கலாம். • ஆனால் மனிதர்களைப் போலச் செயல்களை நிறைவேற்றும்" என்று பிரிட்டானிக்கா கலைக்களஞ்சியம் தானியங்கிகளுக்கு விளக்கம் தருகிறது.

---

Unit -4

நூல்வெளி
இயல் 4.1 மூதுரை (ஒளவையார்) • இந்நூலின் ஆசிரியர் ஒளவையார். • இவர் ஆத்திசூடி, கொன்றை வேந்தன், நல்வழி போன்ற நூல்களையும் இயற்றியுள்ளார். • மூதுரை என்னும் சொல்லுக்கு மூத்தோர் கூறும் அறிவுரை என்பது பொருள் சிறந்த அறிவுரைகளைக் கூறுவதால் இந்நூல் மூதுரை எனப் பெயர் பெற்றது. • இந்நூலில் முப்பத்தொரு பாடல்கள் உள்ளன.

---

நூல் வெளி
இயல் 4.2 துன்பம் வெல்லும் கல்வி (பட்டுக்கோட்டை கல்யாணசுந்தரம்) • எளிய தமிழில் சமூகச் சீர்திருத்தக் கருத்துகளை வலியுறுத்திப் பாடியவர் பட்டுக்கோட்டை கல்யாணசுந்தரம். • திரையிசைப் பாடல்களில் உழைப்பாளிகளின் உயர்வைப் போற்றியவர். • மக்கள் கவிஞர் என்னும் சிறப்புப் பெயரால் அழைக்கப்படுபவர்.

---

தெரிந்து தெளிவோம்

இயல் 4.3 கல்விக்கண் திறந்தவர் (காமராசர்) ● காமராசரின் சிறப்புப் பெயர்கள் ● பெருந்தலைவர் ● படிக்காத மேதை ● கர்மவீரர் ● கருப்புக் காந்தி ● ஏழைப்பங்காளர் ● தலைவர்களை உருவாக்குபவர் ● கல்விக் கண் திறந்தவர் என்று தந்தை பெரியாரால் மனதாரப் பாராட்டப்பட்ட மறைந்த மேனாள் முதல்வர் காமராசர் ஆவார். ● காமராசருக்குச் செய்யப்பட்ட சிறப்புகள் ❖ மதுரைப் பல்கலைக்கழகத்திற்கு மதுரை காமராசர் பல்கலைக்கழகம் எனப் பெயர் சூட்டப்பட்டது. ❖ நடுவண் அரசு 1976இல் பாரதரத்னா விருது வழங்கியது. ❖ காமராசர் வாழ்ந்த சென்னை இல்லம் மற்றும் விருதுநகர் இல்லம் ஆகியன அரசுடைமை ஆக்கப்பட்டு நினைவு இல்லங்களாக மாற்றப்பட்டன. சென்னை மெரினா கடற்கரையில் சிலை நிறுவப்பட்டது. ❖ சென்னையில் உள்ள உள்நாட்டு விமான நிலையத்திற்குக் காமராசர் பெயர் சூட்டப்பட்டுள்ளது. ❖ கன்னியாகுமரியில் காமராசருக்கு மணிமண்டபம் 02.10.2000 ஆம் ஆண்டு அமைக்கப்பட்டது. ❖ ஆண்டு தோறும் காமராசர் பிறந்தநாளான ஜூலை பதினைந்தாம் நாள் கல்வி வளர்ச்சி நாளாகக் கொண்டாடப்படுகிறது.

---

தெரிந்து தெளிவோம்

இயல் 4.4 நூலகம் நோக்கி... ● ஆசியாக் கண்டத்திலேயே மிகப் பெரிய நூலகம் சீனாவில் உள்ளது. ● அண்ணா நூற்றாண்டு நூலகத்தின் எட்டுத் தளங்கள் ● தரைத்தளம் - சொந்த நூல் படிப்பகம், பிரெய்லி நூல்கள் ● முதல் தளம் - குழந்தைகள் பிரிவு, பருவ இதழ்கள் ● இரண்டாம் தளம் - தமிழ்நூல்கள் ● மூன்றாம் தளம் - கணினி அறிவியல், தத்துவம், அரசியல் நூல்கள் ● நான்காம் தளம் - பொருளியல், சட்டம், வணிகவியல், கல்வி ● ஐந்தாம் தளம் - கணிதம், அறிவியல், மருத்துவம் ● ஆறாம் தளம் - பொறியியல், வேளாண்மை, திரைப்படக்கலை ● ஏழாம் தளம் - வரலாறு,சுற்றுலா, அரசு கீழ்த்திசைச் சுவடிகன் நூலகம் ● எட்டாம் தளம் - கல்வித் தொலைக்காட்சி, நூலகத்தின் அலுவலகப் பிரிவு ● நூலகத்தில் படித்து உயர்நிலை அடைந்தவர்களுள் சிலர் ● அறிஞர் அண்ணா, ஜவஹர்வால் நேரு அண்ணல் அம்பேத்கர், காரல் மார்க்ஸ் ● சிறந்த நூலகர்களுக்கு டாக்டர் ச. இரா. அரங்கநாதன் விருது வழங்கப்படுகிறது.

---